A-PAY XIZMATINING MAXFIYLIK SIYOSATI

1. ATAMALAR TA’RIFI

• 1.1“Shaxsiy ma’lumotlar” — to‘g‘ridan-to‘g‘ri yoki bilvosita aniqlangan yoki aniqlanishi mumkin bo‘lgan
  jismoniy yoki yuridik shaxsga (shaxsiy ma’lumotlar subyektiga) tegishli har qanday ma’lumot.
• 1.2“Shaxsiy ma’lumotlarni qayta ishlash” — avtomatlashtirish vositalaridan foydalangan holda yoki
  bunday vositalardan foydalanmasdan shaxsiy ma’lumotlar bilan amalga oshiriladigan har qanday
  harakat (amaliyot) yoki harakatlar (amaliyotlar) majmui, shaxsiy ma’lumotlarni yig‘ish, qayd etish,
  tizimlashtirish, to‘plash, saqlash, aniqlashtirish (yangilash, o‘zgartirish), chiqarib olish, foydalanish,
  uzatish (tarqatish, taqdim etish, kirish), shaxsiylashtirish, blokirovka qilish, o‘chirish, yo‘q qilishni o‘z
  ichiga oladi.
• 1.3“Shaxsiy ma’lumotlarning maxfiyligi” — Operator yoki shaxsiy ma’lumotlarga kirish huquqiga ega
  bo‘lgan boshqa shaxs uchun shaxsiy ma’lumotlar subyektining roziligisiz yoki boshqa qonuniy
  asoslarsiz tarqatilishining oldini olish uchun rioya qilinishi kerak bo‘lgan majburiy talab.
• 1.4“Xizmat foydalanuvchisi” – “A-PAY” Xizmatidan internet orqali yoki internetsiz foydalanish
  imkoniyatiga ega bo‘lgan va Sayt ma’lumotlari, materiallari va mahsulotlaridan foydalanadigan
  shaxs.
• 1.5“Shaxsiy ma’lumotlar operatori” yoki “Operator” — “CENTER FOR DIGITAL TECHNOLOGY AND
  INNOVATION” aksiyadorlik jamiyati.
• 1.6“Axborot” — taqdim etish shaklidan qat’i nazar, ma’lumot (xabarlar, axborotlar).

2. UMUMIY QOIDALAR

• 2.1Foydalanuvchi tomonidan “A-PAY” Xizmatidan foydalanish Maxfiylik siyosati va Foydalanuvchining
  shaxsiy ma’lumotlarini qayta ishlash shartlarini qabul qilganligini anglatadi. Maxfiylik siyosati
  shartlariga rozi bo‘lmagan taqdirda, Foydalanuvchi “A-PAY” Xizmatidan foydalanishni to‘xtatishi
  kerak.
• 2.2.
  Maxfiylik siyosati Operatorning “A-PAY” Xizmatida ro‘yxatdan o‘tishda, axborot jo‘natmasiga obuna
  bo‘lishda, Xizmatdan foydalanish jarayonida Operatorning so‘roviga binoan Foydalanuvchi taqdim
  etadigan shaxsiy ma’lumotlarini oshkor etmaslik va maxfiyligini muhofaza qilish rejimini ta’minlash
  majburiyatlarini belgilaydi.
• 2.3
  Ushbu Maxfiylik siyosati doirasida qayta ishlashga ruxsat berilgan shaxsiy ma’lumotlar
  Foydalanuvchi tomonidan taqdim etiladi (Foydalanuvchi Operatorga veb-saytlari, uchinchi
  shaxslar xizmatlari orqali kirish huquqini beradigan shaxsiy ma’lumotlar yoki Xizmatdan
  foydalanish jarayonida Foydalanuvchi tomonidan joylashtiriladigan shaxsiy ma’lumotlar). Shu
  tarzda olingan shaxsiy ma’lumotlar, xususan, familiyasi, ismi, otasining ismi, telefon raqami, bank
  kartasi raqami, elektron pochta manzili va boshqalarni o‘z ichiga olishi mumkin. Foydalanuvchiga,
  uchinchi shaxslarning ruxsatisiz yoki uchinchi shaxslarning bu kabi shaxsiy ma’lumotlari
  Foydalanuvchi tomonidan ommaviy axborot manbalaridan olinmagan bo‘lsa uchinchi shaxslarning
  shaxsiy ma’lumotlarini bunday tarzda tarqatish uchun taqdim etish taqiqlanadi. Operator
  foydalanuvchilarning olingan shaxsiy ma’lumotlari bilan faqat Saytni yaratish va undan foydalanish
  maqsadiga erishish bilan bog‘liq barcha qonuniy zarur harakatlarni amalga oshirishga haqli.

3. FOYDALANUVCHINING SHAXSIY
MA’LUMOTLARINI TO‘PLASH

• 3.1
  Operator Foydalanuvchining shaxsiy ma’lumotlaridan quyidagi maqsadlarda foydalanish
  huquqiga ega:
• 3.1.1
  “A-PAY” Xizmatida ro‘yxatdan o‘tgan Foydalanuvchini keyinchalik avtorizatsiya qilish, uning
  to‘lovlarini, o‘tkazmalarini amalga oshirish, buyurtmasini rasmiylashtirish va boshqa harakatlar
  uchun identifikatsiya qilish.
• 3.1.2
  Foydalanuvchiga “A-PAY” Xizmatining shaxsiy ma’lumotlariga kirishni ta’minlash.
• 3.1.3
  Foydalanuvchi bilan teskari aloqa o‘rnatish, shu jumladan “A-PAY” Xizmatidan foydalanish, va
  Foydalanuvchining so‘rovlari va buyurtmalarini qayta ishlash bo‘yicha xizmatlarni taqdim etish,
  bildirishnomalar, so‘rovlar jo‘natish.
• 3.1.4
  Agar foydalanuvchi hisob yozuvi yaratishga rozilik bildirgan bo‘lsa, “A-PAY” Xizmatining
  qismlaridan foydalanish uchun hisob yozuvini yaratish.
• 3.1.5
  Foydalanuvchiga maxsus takliflar, Operatorning mahsulotlari va xizmatlari, Operator hamkorlari
  haqida ma’lumot, yangiliklar jo‘natmalarini taqdim etish.
• 3.1.6
  Statistik ma’lumotlarni to‘plash.

4. SHAXSIY MA’LUMOTLARNI QAYTA ISHLASH USULLARI VA MUDDATLARI

• 4.1
  Foydalanuvchining shaxsiy ma’lumotlariga ishlov berish muayyan bir muddatsiz, har qanday
  qonuniy yo‘l bilan, shu jumladan shaxsiy ma’lumotlarning axborot tizimlarida avtomatlashtirish
  vositalaridan foydalangan holda yoki bunday vositalardan foydalanmasdan amalga oshiriladi.
• 4.2
  Foydalanuvchi, Operator shaxsiy ma’lumotlarni ushbu Maxfiylik siyosatining 3-bo‘limida nazarda
  tutilgan maqsadlarda va O‘zbekiston Respublikasining amaldagi qonunchiligi talablariga muvofiq
  uchinchi shaxslarga o‘tkazish huquqiga ega ekanligiga rozilik bildiradi.
• 4.3
  Foydalanuvchi ushbu bilan, Operator “A-PAY” Xizmatidan foydalanishida Foydalanuvchi
  tomonidan taqdim etiladigan uchinchi shaxslarning shaxsiy ma’lumotlarini olishi va ulardan
  Xizmatning muayyan funksiyalarini amalga oshirish uchun foydalanishi mumkinligi to‘g‘risida
  xabardor qilinadi va shunga rozilik bildiradi, bunda Foydalanuvchi, Xizmatdan Foydalanuvchi
  tomonidan foydalanishda ma’lumotlari taqdim etiladigan uchinchi shaxslarning Operator
  tomonidan ushbu Siyosatda nazarda tutilgan maqsadlarda qayta ishlash uchun, shuningdek ushbu
  Siyosatda sanab o‘tilgan hollarda bunday ma’lumotlarni uzatish uchun qayta ishlashga roziligi
  mavjudligini kafolatlaydi.
• 4.4
  Bundan tashqari, Foydalanuvchi ushbu bilan, Operator “A-PAY” Xizmatidan foydalanganda
  Foydalanuvchining harakatlariga oid statistik shaxsizlashtirilgan (Foydalanuvchiga ulanmagan)
  ma’lumotlarni olishi mumkinligi haqida xabardor qilinadi va shunga rozilik bildiradi.
• 4.5
  Operator Foydalanuvchining shaxsiy ma’lumotlariga noqonuniy yoki tasodifiy kirish, yo‘q qilish,
  o‘zgartirish, bloklash, nusxalash, tarqatish, shuningdek uchinchi shaxslarning boshqa noqonuniy
  harakatlaridan muhofaza qilish uchun zarur tashkiliy va texnik choralarni ko‘radi.
• 4.6
  Foydalanuvchi Operatorga bu haqda bildirishnoma yuborish orqali shaxsiy ma’lumotlarni qayta
  ishlashga roziligini qaytarib olishga haqli, Foydalanuvchining shaxsiy ma’lumotlari Operatorga uning
  Foydalanuvchi oldidagi majburiyatlarini bajarishi uchun zarur bo‘lgan hollar bundan mustasno.
• 4.7
  Foydalanuvchining shaxsiy ma’lumotlariga nisbatan, uning maxfiyligi saqlanib qoladi,
  Foydalanuvchi o‘zi haqidagi ma’lumotlarni cheklanmagan miqdordagi shaxslarga umumiy
  kirish uchun ixtiyoriy ravishda taqdim etgan hollar bundan mustasno. Alohida xizmatlardan
  foydalanganda, Foydalanuvchi o‘z shaxsiy ma’lumotlarining muayyan bir qismi hamma uchun ochiq
  bo‘lib qolishiga rozi bo‘ladi.
• 4.8
  Foydalanuvchi Maxfiylik siyosatida ko‘rsatilgan maqsadlar uchun zarur bo‘lgan shaxsiy ma’lumotlar
  haqida haqqoniy axborotlarni taqdim etishi shart. Ma’lumotlar o‘zgargan taqdirda, Foydalanuvchi
  shaxsiy ma’lumotlar to‘g‘risidagi axborotlarni yangilashi, to‘ldirishi shart.

5. TOMONLARNING JAVOBGARLIGI

• 5.1
  O‘z majburiyatlarini bajarmaganlikda aybdor bo‘lgan Operator shaxsiy ma’lumotlardan noqonuniy
  foydalanish munosabati bilan Foydalanuvchi tomonidan ko‘rilgan haqiqiy zarar uchun O‘zbekiston
  Respublikasi qonunchiligiga muvofiq javobgar bo‘ladi.
• 5.2
  Operator Foydalanuvchi oldida quyidagilar sababli yetkazilgan zararlar uchun javobgar emas:
  “A-PAY” Xizmatidan foydalanish yoki foydalana olmaslik, Foydalanuvchining kommunikatsiyalariga
  ruxsatsiz kirish; “A-PAY” Xizmatidagi har qanday uchinchi shaxsning xatti-harakatlari.
• 5.3
  Operator Foydalanuvchi tomonidan “A-PAY” Xizmatida joylashtirilgan har qanday axborot uchun javobgar emas.

6. QO‘SHIMCHA SHARTLAR

• 6.1
  Ushbu maxfiylik siyosatini amalga oshirish bilan bog‘liq har qanday nizo yoki kelishmovchiliklar
  yuzaga kelgan taqdirda, Foydalanuvchi va Operator ularni muzokaralar yo‘li bilan hal qilish uchun
  barcha sa’y-harakatlarni amalga oshiradilar. Nizolar muzokaralar yo‘li bilan hal etilmagan taqdirda,
  ular O‘zbekiston Respublikasining amaldagi qonunchiligida belgilangan tartibda hal qilinishi kerak.
  Sud organlariga murojaat qilishdan oldin nizoni hal qilish uchun da’vo tartibi majburiydir. Da’voni
  oluvchi da’vo olingan kundan boshlab 15 kalendar kun ichida uni ko‘rib chiqib natijalari to‘g‘risida
  da’vogarni yozma ravishda xabardor qiladi.
• 6.2
  Shaxsiy ma’lumotlarni qayta ishlash shartlari bo‘yicha ushbu rozilik, foydalanuvchi tomonidan
  Operatorning elektron pochta manziliga tegishli bildirishnoma yuborish, shuningdek, Operator
  tashkilotining yuridik manziliga yozma murojaat yuborish yo‘li bilan qaytarib olinmaguncha
  noma’lum muddatga amal qiladi.
• 6.3
  Operator ushbu Maxfiylik siyosatiga Foydalanuvchining roziligisiz, uni hech qanday maxsus
  ogohlantirmasdan o‘zgartirishlar kiritishga haqli. Maxfiylik siyosati uni www.a-pay.uz
  veb-manzilida Saytda joylashtirilgan paytdan boshlab kuchga kiradi.
• 6.4
  Foydalanuvchilarning shaxsiy ma’lumotlari bilan ishlashda Operator O‘zbekiston Respublikasining
  amaldagi qonunchiligiga amal qiladi.
• 6.5
  Mazkur Siyosat, Foydalanuvchi va Operator o‘rtasidagi ushbu Siyosatni qo‘llash bilan bog‘liq holda
  yuzaga keladigan munosabatlar, shuningdek, ushbu Siyosat bilan tartibga solinmagan masalalar
  O‘zbekiston Respublikasining amaldagi qonunchiligi bilan tartibga solinadi.
• 6.6
  Amaldagi Maxfiylik siyosati ochiq va ommaviy hujjat hisoblanadi, u internetda www.a-pay.uz
  manzilida joylashtirilgan.

TO’LOV TASHKILOTI
«CENTER FOR DIGITAL TECHNOLOGY
AND INNOVATION» AJ.
«A-PAY» ELEKTRON PULLAR
TIZIMI OPERATORI.

100090, O zbekiston Respublikasi,
Toshkent shahri, Yakkasaroy tumani, A.
Qahhor k., 1a-uy
STIR: 306 344 019
h/r: 2020 8000 0050 659 4001
АКБ «HAMKORBANK»
Bank STIRi: 200 242 936
FAA: 00083 IFUT: 58290
Tel: (+99855) 500 11 10