Якка тартибдаги тадбиркорлик ўзи нима?

Бизнес билан қонуний равишда шуғулланиш учун юридик шахс бўлиш шарт эмас. Кичик ишнинг энди бошлаётган шахс учун энг яхши ечим – якка тартибдаги тадбиркорликни танлаш. Биз бу мақолада ЯТТнинг Ўзбекистондаги имкониятлари ва шартлари ҳақида батафсил сўзлаб берамиз.

Якка тартибдаги тадбиркор – жисмоний шахс. У банкда ҳисоб рақам очиши, хом ашё ва товарлар учун тўлаши мумкин. Лекин унинг фаолияти рухсат этилган тадбиркорлик турлари (улар 88 та) рўйхати билан чекланган.

ЯТТ имкониятлари:

1. 5 тагача одам ёллаш мумкин;
2. Тадбиркор жисмоний шахслар билан ҳам, юридик шахслар билан ҳам ишлаш, товарларни олиб кириш ва олиб чиқиш ҳуқуқига эга;
3. Солиқлар тўлангандан кейинги бутун фойда тадбиркорнинг ихтиёри бўйича ишлатилади;
4. Дивидендларга солиқ йўқ;
5. Корхонанинг йиллик айланмаси 100 миллион сўмдан ошмаса, солиққа тортиш ва ҳисобот топшириш содда усулда бажарилади. Бундай тадбиркор солиқ ҳисоботини тақдим қилишга мажбур эмас ва шунчаки белгиланган солиқни тўлайди;
6. Тадбиркорга кўпчилик фаолият турлари учун алоҳида юридик манзил керак эмас. У шунчаки ташкилотни яшаш жойи бўйича рўйхатдан ўтказади ва фаолиятини ўша жойнинг ўзида олиб бориши мумкин;

ЯТТ мураккабликлари:

1. Қарзлар вужудга келган вазиятда, тадбиркор шахсий мулки ва маблағлари билан моддий жавобгар бўлади;
2. Тадбиркор шерикчиликда ишлаши мумкин эмас, у фақат бизнеснинг ягона эгаси ва раҳбари бўлиши мумкин;
3. Агар корхонанинг йиллик айланмаси 100 миллион сўмдан ошиқ бўлса, унинг солиққа тортилиш тизими мураккаблашади ва ёрдам учун бухгалтерга мурожаат қилган маъқул.

ЯТТ кимга тўғри келади?

Бизнес юритишнинг тўғри шаклини танлаш – муҳим босқич. Ортиқча солиқ юкламаси бўлмаслиги шунга боғлиқ. Шунинг учун ташкилий-ҳуқуқий шаклни танлашдан олдин бизнес-режа тузиш керак.

• ЯТТ – кичик дўкон ёки масалан, кофе сотиш бўйича кўчма нуқта очиш режалаштирилаётган бўлса, яхши ечим бўлади. ЯТТ бизнесни йириклаштириш ва штатга 5 тадан ортиқ одамларни ёллашни режалаштирмаётганлар учун қулай.
• Агар йирик компаниялар билан муносабатлар қуришни хоҳласангиз, ЯТТ тўғри келмаслиги мумкин: юридик шахс мақоми уларда кўпроқ ишонч уйғотади ва ўзаро муносабатлар учун қулайроқ бўлади.

Ҳар қандай шаклдаги бизнесни самарали юритиш учун эса A-Pay Бизнесга уланинг!

Сизда тўловни қабул қилишнинг қулай усуллари, ҳамда ҳамкорлик бонуслари ва бепул тарғиботдан фойдаланиш имконияти мавжуд бўлади.