«APS bonus» BONUS DASTURINING QOIDALARI

1. UMUMIY QOIDALAR

• 1.1

  «APS bonusi» bonus Dasturi «A-Pay» Elektron pul Tizimidan foydalanuvchi Mijozlarni
  ragʻbatlantirish va mukofotlash maqsadida tashkil etilgan hamda Tizim Foydalanuvchilarining
  faolligini oshirishga yoʻnaltirilgan.

• 1.2

  «APS bonusi» bonus Dasturining ushbu qoidalari (bundan keyin matnda – Qoidalar, Dastur)
  Mijozlarning undagi ishtirokining umumiy shartlari va tartibini belgilaydi. «APS bonusi» bonus
  Dasturi Elektron pullarni ishlatgan holda «A-Pay» Elektron pullari Tizimidan (bundan keyin matnda
  – Tizim) toʻlovlar, oʻtkazmalar va boshqa operatsiyalarni amalga oshirish maqsadida foydalanuvchi
  Mijozlar-jismoniy shaxslarga moʻljallangan.

• 1.3

  Mijozlarning «APS bonusi» bonus Dasturi (bundan keyin matnda – Dastur)ga kirishi ushbu bonus
  Dasturining Qoidalari koʻrinishida taqdim etilayotgan Ommaviy oferta yoʻli bilan amalga oshiriladi.
  Qoidalar «CENTER FOR DIGITAL TECHNOLOGY AND INNOVATION» MCHJ – «A-Pay» Elektron
  pullar Tizimi Operatori (bunday keyin matnda – Operator, Tizim Operatori) (yuridik manzili:
  Toshkent shahri, Yakkasaroy tumani, A.Qahhor koʻchasi, 9-tor koʻcha, 1A-uy/STIR 306 344 019 /IFUK
  58290) bundan keyin matnda – Operator, Tizim Operatori)ning Mijozning Oʻzbekiston Respublikasi
  Fuqarolik kodeksi meʼyorlariga muvofiq Dasturda (ommaviy ofertada) qatnashishiga shartnoma
  tuzish uchun rasmiy ommaviy taklifi hisoblanadi.

• 1.4

  Operator oʻzining quyidagi manzildagi rasmiy https://www.a-pay.uz sayti va (yoki) mobil ilovasi orqali
  ushbu Dasturning dolzarb versiyasini joylashtiradi va Mijozni Tizim Operatori va/yoki mobil ilova
  vositasida ushbu Dasturga qoʻshilish imkonini tashkil etadi.

• 1.5

  Shartnoma Mijoz tomonidan Dastur Qoidalarida nazarda tutilgan va qoʻshilish shartlarida barcha
  shartlarni hech qanday istisnosiz va cheklovlarsiz qabul qilishni anglatuvchi harakatlar sodir etilgan
  vaqtdan boshlab tuzilgan hisoblanadi va kuchga kiradi.

• 1.6

  Mijoz akseptni amalga oshira turib, ushbu Shartnomaning shartlariga rozi boʻladi va ularni qabul
  qiladi hamda Dastur Ishtirokchisiga aylanadi. Ushbu Shartnoma Mijoz tomonidan aksept amalga
  oshirilgan vaqtdan boshlab tuzilgan hisoblanadi va uning qiymati yozma shaklda tuzilgan hujjatga
  tengdir.

• 1.7

  Oferta aksepti Mijoz tomonidan har qanday konklyudent harakatlari bilan: «A-Pay» Elektron
  pullar Tizimida roʻyxatdan oʻtish, SMS kodni kiritish, birinchi tranzaksiyani olib borish orqali amalga
  oshiriladi.

• 1.8

  Qoidalarda nazarda tutilgan konklyudent harakatlarni amalga oshira turib, Ishtirokchi shu tariqa
  Dastur Qoidalarining toʻliq matni va Qoidalarda koʻrsatilgan hujjatlar bilan tanishib chiqqanligini,
  Qoidalarning shartlari va tartiblarini toʻliq qabul qilganini, ularga roziligini va rioya qilishini
  tasdiqlaydi.

• 1.9

  Dastur doimiy ravishda joriy etiladi, biroq Tizim Operatori bir tomonlama tartibda «APS bonusi»
  bonus Dasturiga oʻzgartirish kiritish, toʻldirish va/yoki Bonus Dasturini bekor qilish huquqini oʻzida
  saqlab qoladi.

• 1.10

  Dasturda ishtirok etish ixtiyoriy va bepul hisoblanadi. Operator Dastur Ishtirokchisini marketing
  aksiyalarini joylashtirish qoidalari va shartlari toʻgʻrisida rasmiy internet resurslari va/yoki mobil
  ilovalarida, shuningdek, Ishtirokchi maʼlumot olishi mumkin boʻlgan boshqa usullar bilan xabardor
  qiladi.

• 1.11

  «APS bonusi» bonus Dasturi Tizim Operatori tomonidan bir tomonlama tartibda axborotni
  rasmiy saytda va mobil ilovasida joylashtirish yoʻli bilan oʻzgartirilishi yoki toʻldirilishi mumkin. Agar
  joylashtirishda boshqacha tartib nazarda tutilmagan boʻlsa, yangi shartlar ular chop etilgan vaqtdan
  boshlab kuchga kiradi.

2. ATAMALAR VA TAʼRIFLAR

• 2.1

  «APS bonusi» bonus Dasturi – Operator va Hamkorlar tomonidan Oʻzbekiston Respublikasi
  hududida birgalikda amalga oshiriladigan, Mijozlarning tovarlarni, xizmatlarni sotib olishdagi,
  Qoidalarda belgilangan asoslar boʻyicha Ishtirokchilarga Ballar hisoblanishini nazarda tutuvchi
  «A-Pay» Elektron pul Tizimidan foydalangan holda faolligini oshirishga qaratilgan dasturdir.

• 2.2.
  Qoidalar – https://www.a-pay.uz manzili boʻyicha Internet tarmogʻida va/yoki boshqa mobil ilovasida
  joylashtirilgan, marketing kampaniyalarining Tizim Operatori tomonidan olib boriladigan Bonuslarni
  hisoblash, yopish (oʻchirish) va tiklash tartibini belgilash jarayonidagi ommaviy oferta hisoblanuvchi
  haqiqiy hujjat.
• 2.3
  Dastur Ishtirokchisi (Ishtirokchi) – «A-Pay» Elektron pullar Tizimida qayd etish tartibidan oʻtgan,
  elektron hamyonga kirish huquqi ochilgan va Dasturda Qoidalarda bayon etilgan shartlar asosida
  qatnashuvchi Mijoz.
• 2.4

  APS bonus – «A-Pay» Elektron pullar Tizimining Operatori tomonidan Dastur doirasida
  Ishtirokchining bonus hisobiga hisoblanadigan va undan foydalangan taqdirida Mukofot olish
  huquqini beruvchi shartli (virtual) birlik. APS bonuslar toʻlov vositasi hisoblanmaydi va bunday boʻlishi
  ham mumkin emas, ular pul ham, qimmatli qogʻoz ham emas, ularni naqd pulga aylantirish yoki
  meros boʻyicha topshirish ham mumkin emas.

• 2.5

  APS bonusining hisoblanishi – Ishtirokchi tomonidan Dastur va/yoki Aksiya qoidalarida nazarda
  tutilgan tartibda amalga oshirgan Operatsiyalari va/yoki boshqa harakatlari natijasida uning Bonus
  hisob raqamidagi Bonuslarining koʻpayishiga olib keladigan jarayon.

• 2.6

  APS bonusini qoʻllash – bu shunday jarayon boʻlib, uning natijasida Dastur Ishtirokchisining
  tashabbusi bilan Peshtaxtada taqdim etilgan Tovarlar, xizmatlarni sotib olishda, shuningdek,
  Aksiyalarda ishtirok etish maqsadlarida Ishtirokchining Bonus hisob raqamidagi APS bonuslari
  miqdorining kamayishi yuz beradi.

• 2.7

  Hamkor – Operator bilan shartnoma tuzuvchi, Operator bilan birgalikda Ishtirokchilar tomonidan
  tovarlar, xizmatlar evaziga, jumladan, Aksiya doirasida APS bonuslarini mukofot tarzida olish va/yoki
  foydalanish imkoniyati Dasturini amalga oshiradigan yuridik shaxs (merchant).

• 2.8

  Aksiya – Dastur doirasida Operator va/yoki Hamkor tomonidan «A-Pay» Elektron pul Tizimidagi
  faollikni oshirish, Ishtirokchilarning Operator, Hamkorning mahsulotlariga nisbatan ishonchini
  shakllantirish va oshirishga qaratilgan ommaviy oferta sharoitida oʻtkaziladigan Ishtirokchiga
  mukofot taqdim etishdan iborat boʻlgan marketing tadbiri.

• 2.9

  Aksiya tranzaksiyalari – Dastur shartlari boʻyicha va/yoki tegishli Marketing aksiyalarining
  shartlariga koʻra Bonuslarni hisoblashni nazarda tutuvchi Tranzaksiyalar (yoki Ishtirokchining
  boshqa harakatlari/voqealar).

• 2.10

  Mukofotlash (Ragʻbatlantirish) – ragʻbatlantirish shakli, Qoidalar va/yoki Aksiya doirasida taqdim
  etilgan Ishtirokchilarga haq toʻlash.

• 2.11

  Bonus dasturini suiisteʼmol qilish – Ishtirokchining tovarlar, xizmatlarni sotib olmasdan turib, shaxsiy
  isteʼmoli maqsadlarida, yoxud noqonuniy yoʻl bilan qoʻlga kiritilgan mablagʻlar hisobiga tranzaksiyani
  amalga oshirish orqali, yoki notoʻgʻri axborot (maʼlumot)ni taqdim etish yoʻli bilan amalga oshirilgan
  tranzaksiyalar toʻgʻrisidagi, yoxud Ishtirokchi tomonidan Dastur va/yoki Aksiya doirasida taqdim
  etiladigan qandaydir imtiyozlar va mukofotlarni qoʻlga kiritishga qaratilgan, maksimal miqdorda
  APS bonuslarini yigʻishga qaratilgan Dastur Qoidalari va/yoki Marketing aksiyalari shartlariga
  (Dastur doirasida oʻtkaziladigan) zid boʻlgan har qanday harakatlari, shuningdek, boshqa insofsiz
  (noqonuniy) harakatlari.

3. BONUSLARNI HISOBLASH VA
FOYDALANISH SHARTLARI

• 3.1
  «APS bonus» bonus Dasturi Ishtirokchi tomonidan APS bonuslarini (bundan keyin matnda – APS)
  hisoblash koʻrinishida ragʻbatlantirishni qoʻlga kiritish maqsadida ishlab chiqilgan. Ushbu Bonus
  Dasturini tatbiq etish shartlari Tizim Operatori tomonidan belgilanadi.
• 3.2
  Operator Qoidalarda va marketing aksiyalari shartlarida nazarda tutilgan operatsiyalar boʻyicha
  APSni hisobga olish, detalizatsiya va foydalanishni amalga oshiradi.
• 3.3
  APS pul mablagʻi hisoblanmaydi, uni naqd pul qilish yoki pul mablagʻiga almashtirish mumkin emas.
• 3.4
  APSning hisobini yuritish va hisoblash maqsadlarida «A-Pay» Elektron pullar Tizimida amalga
  oshirilgan operatsiyalar, shuningdek, ushbu Qoidalarning talablariga muvofiq keluvchi boshqa
  harakatlar va/yoki voqealar inobatga olinadi.
• 3.5
  Ishtirokchiga taqdim etilgan APS faqat ushbu Dasturning Qoidalariga muvofiq foydalanilishi mumkin.
• 3.6
  APSdan foydalanish Qoidalarda belgilangan Bonus Dasturining cheklovchi shartlariga rioya
  qilingan holda amalga oshiriladi.
• 3.7
  APS oʻtkazilmaydi va boshqa Ishtirokchiga oʻtkazilishi mumkin emas.
• 3.8

  365 (uch yuz oltmish besh) kun mobaynida harakat boʻlmaganda va/yoki Tizimdagi elektron
  hamyon yopilganda Ishtirokchining APS qoldigʻi soʻzsiz va shubhasiz tartibda bekor qilinishi lozim va
  barcha hisoblangan bonuslar nolga qaytariladi.

• 3.9

  APS miqdori «A-Pay» Elektron pul Tizimida olib borilgan operatsiyaning foizi sifatida va APS
  hisoblash shartlariga muvofiq belgilangan nisbatda hisoblanadi. APS miqdori yaxlitlanmaydi va
  verguldan soʻng ikki kasrga yozilishi lozim.

• 3.10

  Hisoblangan APS miqdori APS bonuslarni hisoblash Shartlari va Aksiya Shartlariga muvofiq hisoblanadi.

• 3.11

  Hisoblangan va/yoki foydalanilgan APS miqdorini yuritish Qoidalarga muvofiq, maxsus hisobda olib boriladi.
  Operator hisob-kitobni olib boradi va maʼlumotni Ishtirokchiga beradi. Dastur
  Ishtirokchisi oʻz elektron hamyonini mustaqil ravishda va/yoki Operator orqali, va/yoki A-Pay
  Agenti orqali toʻldirganida, bonusli APSlar hisobga yozilishining maksimal chegarasi bir oyda
  400 000 (toʻrt yuz ming) APSni tashkil qiladi. Bonusli APSlar miqdori maksimal oylik chegaraga
  yetganida, bonusli APSlarni Operator tomonidan hisobga yozish keyingi kalendar oyga qadar
  toʻxtatiladi.

• 3.12

  Operator tomonidan Ishtirokchining roziligisiz elektron hamyondan foydalanishga urinishlar
  toʻgʻrisidagi maʼlumotlar olingan yoki aniqlangan, Operator tomonidan Ishtirokchi dasturining
  suiisteʼmol qilinishi toʻgʻrisida maʼlumotlar olingan yoki aniqlangan hollarda APS hisoblanishi amalga
  oshirilmaydi (agar alohida Aksiyalarning qoidalarida boshqacha tartib belgilanmagan boʻlsa).

• 3.13

  APS hisoblanganidan soʻng Ishtirokchi Qoidalarda va/yoki Aksiya qoidalarida oʻrnatilgan tartibda
  bonuslardan foydalanish huquqini qoʻlga kiritadi.

• 3.14

  Dastur Ishtirokchisi uning maxsus hisob raqamida maʼlumot aks etgan APSdan faqat Operator
  Peshtaxtasida joylashtirilgan Tovarlar, xizmatlarni sotib olish va Ishtirokchi tomonidan ularga
  buyurtma berish sanasida foydalanish huquqiga ega boʻladi. Ishtirokchi Peshtaxtadagi buyurtmaga
  kirish mumkin boʻlgan APS bonuslarda Tovarlar, xizmatlarning roʻyxati va qiymati haqida
  Operatorning Saytidan va/yoki mobil ilovasidan bilib olishi mumkin. Peshtaxtadagi Tovarlar,
  xizmatlarni olish roʻyxati va shartlarini Operator bir tomonlama tartibda oʻzgartirishi mumkin.

• 3.15

  Peshtaxtadagi har bir Tovar, xizmat APSning tegishli miqdoriga teng boʻlgan oʻz qiymatiga ega.

• 3.16

  Operator va/yoki Hamkorlar tomonidan Peshtaxtada taqdim etiladigan Tovar, xizmatlar
  Ishtirokchi tomonidan faqat toʻplangan APSlar hisobiga sotib olinishi mumkin. Agar APS miqdori
  Ishtirokchining maxsus hisob raqamida Tovar, xizmatlarni sotib olish uchun yetarli boʻlmasa,
  Ishtirokchi ularni sotib olish imkoniga ega boʻlmaydi.

• 3.17

  APSni qoʻlga kiritish uchun Ishtirokchi «A-Pay» Elektron pul Tizimida oʻziga va oʻz manfaatlariga
  qaratilgan harakatlarni amalga oshirishi shart, Tizimdagi operatsiyalar va tranzaksiyalar
  Ishtirokchining shaxsiy tranzaksiyalari boʻlishi lozim. Ishtirokchiga boshqalarning manfaatlari yoʻlida
  har qanday operatsiyalar, tranzaksiyalar olib borish taqiqlanadi. Operator tomonidan unga va/
  yoki Hamkorga turli koʻrinishdagi va darajadagi moddiy, maʼnaviy va boshqa zarar yetkazuvchi
  oqibatlarga olib keluvchi tovlamachilik, yolgʻon va boshqa nayranglar sifatida baholangan harakatlar
  aniqlangan taqdirda, Ishtirokchining Qoidalarga mos kelmaydigan va maksimal miqdordagi
  APS olishga qaratilgan harakatlari fosh qilingan hollarda avval hisoblangan va oʻtkazilgan APSlar
  Ishtirokchini oldindan ogohlantirmagan holda bekor qilinishi yoki tuzatilishi lozim boʻladi.

4. OPERATOR PESHTAXTASIDAGI
TOVARLAR, XIZMATLARGA
BUYURTMALARNI RASMIYLASHTIRISH
TARTIBI

• 4.1
  Dastur Ishtirokchisi tomonidan Peshtaxtada joylashtirilgan tovarga buyurtmani rasmiylashtirish
  Shaxsiy kabinetdan va/yoki mobil ilovadan foydalangan holda amalga oshiriladi. Foydalanish
  mumkin boʻlgan APS miqdori shaxsiy kabinet va/yoki mobil ilovadan foydalanishga ham mumkin
  boʻladi. Peshtaxtadan Tovar, xizmatlarga buyurtma berishda maxsus hisob raqamning balansi Tovar,
  xizmatlarga buyurtma berish uchun zarur boʻlgan APS miqdoriga qarab kamayadi.
• 4.2
  Shaxsiy kabinet va/yoki mobil ilova orqali Tovar, xizmatlarga buyurtmani rasmiylashtirishda APSdan
  foydalanish uchun Ishtirokchi «A-Pay» Elektron pul Tizimining identifikatsiyalangan mijozi boʻlishi
  lozim, Peshtaxtadan Tovar, xizmatlarni tanlashi va oʻz buyurtmasini tasdiqlashi zarur.
• 4.3
  Ishtirokchi tomonidan Tovar, xizmatlarga buyurtmaning tasdiqlanishi uning APSdan Qoidalarda
  koʻrsatilgan tartibda foydalanish vakolati hisoblanadi. Operator va/yoki Hamkor Ishtirokchiga u
  sotib olgan Tovarni oʻtkazishga qaratilgan harakatlar majmuini amalga oshiradilar, jumladan, Tovarni
  yetkazib berish toʻgʻrisidagi masalaga aniqlik kiritish uchun Ishtirokchi bilan bogʻlanishlari mumkin.
  Agar Ishtirokchining aybi bilan yetkazib berish amalga oshirilmagan boʻlsa, u holda Tovarni takroran
  yetkazib berish shartlari va imkoniyati Ishtirokchi hamda Operator/Hamkor bilan qoʻshimcha
  ravishda kelishib olinadi. Bunday hollarda Tovarni takroran yetkazib berish xarajatlari Ishtirokchi
  zimmasiga yuklanadi.
• 4.4
  Ishtirokchi tomonidan Peshtaxtadan sotib olingan Tovar, xizmatlar Operator va/yoki Hamkorga qaytarilmaydi.
• 4.5
  Tovarni, xizmatlarni Ishtirokchi joylashgan (turgan) hududga qadar yetkazib berish Operatorning
  majburiyatiga kirmaydi. Tovarni yetkazib berish qiymati Operatorning xohishiga koʻra qoʻshimcha
  ravishda koʻrsatilishi mumkin.

5. ISHTIROKCHINING HUQUQLARI VA
MAJBURIYATLARI

• 5.1
  Ishtirokchi quyidagi majburiyatlarni oʻz zimmasiga oladi:
• 5.1.1
  Internet tarmogʻiga kirish uchun mustaqil ravishda toʻlov qilish (shaxsiy pul mablagʻlari
  hisobiga) va Dasturda qatnashish uchun talab qilinadigan boshqa xarajatlarni oʻz zimmasiga
  olib, bu Dasturning tekinligiga va unda qatnashishga taʼsir koʻrsatmaydi.
• 5.1.2
  Dasturda qatnashish doirasida har qanday boshqa sabablar bilan Operatorga yolgʻon, noaniq,
  toʻqilgan, notoʻgʻri, soxta yoki ishonchsiz maʼlumotlarni taqdim etmaslik;
• 5.1.3
  Qandaydir noqonuniy yoki insofsizlarcha harakatlarni amalga oshirish maqsadida Operator
  va/yoki Hamkorlar tomonidan Dasturni joriy etishda qoʻllaniladigan dasturiy taʼminotning
  dastlabki kodidan nusxa koʻchirish, qismlarga ajratish yoki boshqa yoʻl bilan qoʻlga kiritishga
  urinmaslik;
• 5.1.4
  Moddiy va boshqa foydalar olishga, Dastur Ishtirokchilariga zarar, xususan, moddiy zarar
  yetkazishga qaratilgan, shuningdek, «A-Pay» Elektron pul Tizimining ishlashiga salbiy taʼsir
  koʻrsatishga qodir noqonuniy va ruxsat etilmagan harakatlarni (jumladan, turli xil texnik
  usullarni qoʻllagan holda) sodir etmaslik;
• 5.1.5
  Operatorga APSning xato oʻtkazilishi holati toʻgʻrisida xabar berish va uning qaytarilishiga
  toʻsqinlik qilmaslik;
• 5.1.6
  Dasturdan tovlamachilik va Operatorga va/yoki Hamkorga zarar yetkazishi mumkin boʻlgan
  boshqa sabablarda foydalanmaslik;
• 5.1.7
  Mustaqil ravishda va har kuni Operator tomonidan Operator saytida va/yoki mobil
  ilovasida joylashtirilayotgan axborot bilan, jumladan, Qoidalarga kiritilgan oʻzgartirishlar va
  qoʻshimchalar toʻgʻrisida maʼlumot olish maqsadida tanishib borish;
• 5.1.8
  Operatorning talabi boʻyicha unga Operator tomonidan soʻralgan tegishli talabnoma
  joʻnatilgan sanadan boshlab 1-ish kunidan kechikmagan holda axborot va hujjatlarni taqdim
  etish.
• 5.2

  Ishtirokchi quyidagi huquqlarga ega:

• 5.2.1
  Aksiya tranzaksiyalari, operatsiyalarni amalga oshirishda APS olish;
• 5.2.2
  Qoida shartlarida belgilangan cheklovlarni inobatga olgan holda APSdan toʻliq yoki qisman
  foydalanishni amalga oshirish;
• 5.2.3
  Hisoblangan APSdan norozi boʻlgan hollarda tranzaksiya, operatsiyalar sodir etilganidan soʻng
  5 kalendar kuni davomida Operatorga koʻrib chiqish uchun yozma ariza joʻnatish;
• 5.2.4
  Istalgan vaqtda suddan tashqari bir tomonlama tartibda dasturda qatnashishdan bosh tortish
  shular jumlasidandir. Buning uchun Operatorga qatnashishni toʻxtatish toʻgʻrisida xabarnoma
  joʻnatish zarur. Operatorning Ishtirokchidan xabarnoma olgan vaqtidan boshlab Dasturda
  qatnashishi toʻxtagan hisoblanadi. Operator APS hisoblanishini toʻxtatadi va Ishtirokchining
  maxsus hisobida avval toʻplangan barcha APSni bahssiz va kelishuvsiz tartibda bekor qiladi.
  Ishtirokchi bekor qilingan APSning qandaydir ekvivalentini olish huquqiga ega emas. Shu
  bilan birga, Dasturda qatnashishi toʻxtagan sanaga qadar Ishtirokchi APSdan foydalangan
  holda Peshtaxtadan Tovar, xizmatlar sotib olish uchun buyurtmani rasmiylashtirgan boʻlsa
  ham Tovar Ishtirokchiga topshirilmaydi, Ishtirokchining Dasturda qatnashishi toʻxtaganligi
  munosabati bilan xizmatlar koʻrsatilmaydi. Dasturda qatnashishning toʻxtatilishi Ishtirokchining
  Dasturda qatnashish davridagi Qoidalarning buzilishi bilan bogʻliq majburiyatlaridan tashqari
  uning va Operatorning dastur doirasidagi boshqa majburiyatlari ham tugashiga olib keladi.
• 5.3

  Ishtirokchi oʻzining Hisobga olish qaydlarining nazorati saqlanishi uchun masʼul hisoblanadi va
  Hisobga olish qaydlariga har qanday uchinchi shaxslarning kirmasligini, shuningdek, har qanday
  uchinchi shaxslar tomonidan Ishtirokchining Hisobga olish qaydlariga nisbatan harakatlar sodir
  etilmasligini taʼminlaydi. Avtorizatsiyalanganidan soʻng Hisob qaydlariga nisbatan sodir etilgan har
  qanday harakatlar Ishtirokchi tomonidan shaxsan amalga oshirilgan deb eʼtirof etiladi.

6. OPERATORNING HUQUQLARI VA
MAJBURIYATLARI

• 6.1
  Operatorning majburiyatlari quyidagilardan iborat:
• 6.1.1
  Mijozlarga APSni hisoblash shartlariga muvofiq hisoblash;
• 6.1.2
  Ishtirokchilarga Qoidalarning barcha shartlariga rioya qilgan holda toʻplangan APS sarf
  qilishini taʼminlash;
• 6.1.3
  Aksiya tranzaksiyasi, operatsiyalar sodir etilganidan soʻng 5 (besh) kalendar kuni davomida
  Ishtirokchidan texnik sabablarga koʻra hisoblanmagan APSni oʻtkazish bilan bogʻliq arizasini
  koʻrib chiqishga qabul qilish;
• 6.1.4
  Qoidalar, Nizomlarga oʻzgartirishlar kiritilgan taqdirda, shuningdek, Bonus Dasturini yopish
  toʻgʻrisida qaror qabul qilinganda Operatorning rasmiy sayti va/yoki mobil ilovasida tegishli
  axborotni joylashtirish.
• 6.2
  Operator quyidagi huquqlarga ega:
• 6.2.1
  Oʻz xohishiga koʻra Operatorning fikriga boʻyicha APSni hisoblash, foydalanish, yopish (oʻchirish)
  uchun zarur boʻlgan, shuningdek, Dasturda qatnashish bilan bogʻliq boshqa maqsadlar uchun
  Ishtirokchidan har qanday axborot va hujjatlarni soʻrab olish;
• 6.2.2
  Ishtirokchi tomonidan soʻralgan axborotlar va hujjatlar taqdim etilguniga qadar APS
  hisoblanishini va/yoki ulardan foydalanish imkoniyatini toʻxtatib turish;
• 6.2.3
  Ishtirokchi tomonidan soʻralgan axborotlar va hujjatlar Qoidalarda nazarda tutilgan muddatda
  taqdim etilmagan holda APS hisoblanishini, ulardan foydalanish imkoniyatini rad etish;
• 6.2.4
  APS hisoblash va foydalanish bilan bogʻliq ziddiyatli vaziyatlar yuzaga kelganda Ishtirokchi
  tomonidan yozma arizada koʻrsatilgan maʼlumotlar tekshiruvini amalga oshirish;
• 6.2.5
  Ishtirokchiga APS oʻtkazish va hisobdan chiqarish boʻyicha operatsiyalar olib borishni rad
  etish, shuningdek, avval hisoblangan APSni: tranzaksiyalar oʻtkazilishini tasdiqlovchi elektron
  hujjatni yoʻqligida, tranzaksiya Ishtirokchi tomonidan olib borilganligiga shubha tugʻilganda,
  Ishtirokchi olib borgan operatsiya Qoidalar yoki mazkur operatsiyani amalga oshirish
  boʻyicha Operator tomonidan belgilangan tartibga zid kelsa, operatsiya oʻtkazish uchun
  APSdan foydalanish uchun yetarli miqdorda bonuslar mavjud boʻlmaganida, Bonus Dasturi
  Ishtirokchilari va Tizim ishiga zarar yetkazishga qaratilgan turli xil texnik usullarni qoʻllagan
  holda sodir etilgan ruxsatsiz yoki qonunga zid harakatlar amalga oshirilgan taqdirda qaytarib
  olishi (bekor qilishi, nolga tushirishi);
• 6.2.6
  Qoidalarga oʻzgartirishlar, qoʻshimchalar (xususan, yangi tahrirlarni belgilash), shu jumladan,
  Qoidalarga ilovalarni kiritish. Bonus Dasturi Ishtirokchilarini xabardor qilish Operator
  tomonidan Qoidalarga kiritilgan oʻzgartirishlar toʻgʻrisidagi tegishli maʼlumotlarni Operatorning
  veb-saytida va/yoki mobil ilovasida eʼlon qilish yoʻli bilan yoki Ishtirokchiga maʼlumotni olish
  va Operatordan kelganligini aniqlash imkonini beradigan boshqa usul bilan amalga oshiriladi.
  Agar eʼlon qilishda boshqa qoida nazarda tutilmagan boʻlsa, oʻzgartirishlar, qoʻshimchalar ular
  eʼlon qilingan paytdan boshlab kuchga kiradi.
• 6.2.7
  Operatorning veb-saytida va/yoki mobil ilovasida tegishli maʼlumotni eʼlon qilish orqali yoki
  Ishtirokchiga maʼlumot olish hamda uni Operatordan kelganligini aniqlash imkonini beradigan
  boshqa usul bilan Bonus dasturi Ishtirokchilarini xabardor qilgan holda Bonus Dasturini
  yopish. Operator Dasturni tugatish toʻgʻrisida xabar bergan paytdan boshlab Ishtirokchilar
  Peshtaxtada Tovarlar, xizmatlarni olish uchun buyurtmalarni qoldirishga haqli yemas, Bonus
  Dasturi tegishli maʼlumotlar eʼlon qilingan paytdan boshlab yopiq hisoblanadi;
• 6.2.8
  Agar Bonus Dasturini suiisteʼmol qilinishida shubha tugʻilgan hollarda Ishtirokchiga APS
  hisoblashni hamda bonuslar sarflanishini toʻxtatish;
• 6.2.9
  Notoʻgʻri hisoblangan, texnik nosozlik, shuningdek, Ishtirokchi tomonidan tovarlar/xizmatlar
  uchun toʻlov bekor qilinganda va ushbu Qoidalarda nazarda tutilgan boshqa hollarda APS
  balansini toʻgʻrilash;
• 6.2.10
  Bir tomonlama, suddan tashqari tartibda Ishtirokchining maxsus hisobini blokirovkalash, avval
  hisoblangan APSni bekor qilish va agar Ishtirokchi:
• 6.2.10.1
  Qoidalarning shartlarini buzsa va/yoki ularga rioya qilmasa;
• 6.2.10.2
  Qoidalarda, Oʻzbekiston Respublikasi qonun hujjatlarida oʻziga berilgan huquq va
  imkoniyatlarni suiisteʼmol qilsa, shuningdek, noqonuniy harakat qilsa;
• 6.2.10.3
  Tadbirkorlik faoliyatini bajarishga qaratilgan operatsiyalarni amalga oshirish maqsadida Dasturdan foydalansa;
• 6.2.10.4
  Operatorga notoʻgʻri va/yoki chalgʻituvchi maʼlumotlarni taqdim etsa;
• 6.2.11
  Aksiyalarda ishtirok etish maqsadida Hamkorlarni jalb etsa;
• 6.2.12
  Qoʻshimcha APS hisoblanadigan va boshqa Ragʻbatlantirishlar t aqdim etiladigan Aksiyalar oʻtkazsa;
• 6.2.13
  APS hisoblash va yopish (hisobdan chiqarish) shartlarini belgilasa, ulardan foydalanish limitini
  va boshqa cheklovlarini belgilasa, Ishtirokchini Dastur ishtirokchilari tarkibidan chiqarib
  tashlash (Dasturda ishtirok etishni toʻxtatish);
• 6.2.14
  Quyidagi hollarda Ishtirokchining maxsus hisobidan APSni bir tomonlama bekor qilish:
  notoʻgʻri hisoblash; Ishtirokchining maxsus hisob raqamiga hisoblangan kundan boshlab,
  365 (uch yuz oltmish besh) kalendar kun ichida APSdan foydalanmaslik; maxsus hisobdagi
  balansda oʻzgartirishlarning va «A-Pay» elektron pullar Tizimidan soʻnggi Operatsiya/
  maxsus hisobdagi balans oʻzgarishi sanasidan boshlab olti oy mobaynida foydalanilgan
  Operatsiyalarning yoʻqligi (ilgari toʻplangan APS toʻliq bekor qilinadi), Dasturda ishtirok etishni
  tugatish; Operator tomonidan maʼlumot olish yoki Ishtirokchi tomonidan Dasturni suiisteʼmol
  qilish holatlarini aniqlash. Agar maxsus hisob varagʻidagi APS soni Qoidalarga muvofiq
  bekor qilinishi lozim boʻlgan mablagʻdan kam boʻlsa, Operator APSning zarur miqdorini ular
  Ishtirokchining maxsus hisobvaragʻida toʻplanganda hisobdan chiqaradi.
• 6.2.15
  Ishtirokchi Operator tomonidan firibgarlik, yolgʻon yoki boshqa manipulyatsiya deb eʼtirof
  etilgan, Operator uchun turli xil va darajadagi moddiy, maʼnaviy va boshqa zararli oqibatlarga
  olib kelgan yoki olib kelishi mumkin boʻlgan harakatlarni sodir etgan yoki sodir etmoqchi
  boʻlgan hollarda Dasturda ogohlantirishsiz ishtirok etishni rad etish (faqat Dastur doirasida
  Ishtirokchiga berilgan huquqlarni suiisteʼmol qilishga qaratilgan). Huquqlarni suiisteʼmol
  qilish deganda Ishtirokchining Qoidalarga mos kelmaydigan va APSning maksimal miqdorini
  olishga qaratilgan noqonuniy harakatlari tushuniladi. Bunday hollarda ilgari hisoblangan va
  oʻtkazilgan APS bekor qilinishi yoki toʻgʻrilanishi lozim.
• 6.2.16
  Ishtirokchini oldindan ogohlantirmasdan APS toʻplash, foydalanish ehtimolini vaqtincha
  toʻxtatib, profilaktika ishlarini olib borish;
• 6.2.17
  Ishtirokchining roziligisiz oʻz majburiyatlarini bajarish uchun uchinchi shaxslarni jalb qilish;
• 6.2.18
  Ishtirokchini qoʻshimcha ogohlantirmasdan turib Peshtaxtadagi tovarlar, xizmatlar, tovarlar,
  xizmatlar nomini toʻldirish va chiqarib tashlash.
• 6.3
  Operator oʻz xohishiga koʻra qoidabuzarlik darajasidan kelib chiqib, qoidabuzarlik ilk bor
  aniqlanganda Ishtirokchiga ogohlantirish qoʻllashga haqlidir.
• 6.4
  Operator tomonidan Ishtirokchining Dasturda qatnashishini Qoidalarda belgilangan tartibda bekor
  qilinishi Ishtirokchi APSini soʻzsiz va muddatsiz bekor qilinishiga, APSdan foydalangan holda Tovar,
  xizmatlarni olish imkonining mumkin emasligiga hamda Operator va/yoki Hamkorning Dastur
  doirasida Ishtirokchi oldidagi majburiyatini bekor qilinishiga olib keladi. Tegishli Ishtirokchining
  Dasturdagi ishtiroki APS bekor qilingandan keyin tugatilgan hisoblanadi. Operator Qoidalarda
  nazarda tutilgan asoslarga koʻra Dasturdagi ishtiroki tugatilgan taqdirda Ishtirokchining Dasturda
  qayta ishtirok etishini rad etishga haqli.
• 6.5
  Agar Operator Ishtirokchining oʻlimi yoki uni bedarak yoʻqolgan yoki oʻlgan deb eʼtirof etish
  toʻgʻrisidagi maʼlumotni olgan hollarda ham Ishtirokchining Dasturda ishtirok etishi toʻxtatiladi.
  Bu Ishtirokchi APSning bekor qilinishi, Operator Peshtaxtasidagi Tovar, xizmatlarga buyurtma
  berishning imkoni yoʻqligi va Operatorning Dastur doirasida Ishtirokchi oldidagi majburiyatlari
  bekor qilinishiga olib keladi.
• 6.6
  Operator quyidagilar uchun javobgar emas:
• 6.6.1

  Tizimdan foydalanish yoki Dasturda ishtirok etish bilan bogʻliq holda Ishtirokchiga yetkazilgan
  har qanday moddiy va maʼnaviy zarar;

• 6.6.2

  Sabablaridan qatʼi nazar, Tizimning ishlashidagi texnik nosozliklar va tizimning uzluksiz
  ishlashini, shu jumladan APSni hisoblash, undan foydalanishning uzluksiz imkoniyatini
  kafolatlamaydi;

• 6.6.3

  Uchinchi shaxslarning Ishtirokchining Hisobga olish raqamiga kirishi, unda uchinchi shaxslar
  tomonidan amalga oshirilgan har qanday harakatlar;

• 6.6.4

  Operatorning APSni hisoblash, foydalanish, yechib olishni rad etishi, Ishtirokchining
  Dasturdagi ishtirokini tugatishning har qanday oqibatlari;

• 6.6.5

  Ishtirokchining haqiqiy irodasi va Ishtirokchining APSdan foydalanish toʻgʻrisidagi buyrugʻining
  mazmuni oʻrtasidagi nomuvofiqlik, Dasturda ishtirok etishni tugatish;

• 6.6.6

  Ishtirokchi tomonidan Dasturda ishtirok etish paytida Qurilmaning oʻzgartirish tufayli dasturiy
  taʼminot xususiyatlari bilan bogʻliq oqibatlari;

• 6.6.7

  Dastur Qoidalariga muvofiq sotib olingan tovarlar, xizmatlar Ishtirokchi tomonidan
  olinganidan keyin buyurtmani bajarish muddati uchun javobgar emas.

• 6.6.8

  Agar tovarlar Operatorga ham, Hamkorga ham tegishli boʻlsa, tovarning sifati, butligi va
  boshqa kamchiliklari. Operator Ishtirokchi tomonidan tanlangan tovarlarning Operator va/
  yoki Hamkorning omborida yoʻqligi uchun javobgar emas.

• 6.6.9

  «A-Pay» Elektron pul Tizimida yuzaga kelishi mumkin boʻlgan texnik va texnologik xatolar.

• 6.7

  Operatorning Qoidalarni buzganlik uchun Ishtirokchi oldidagi javobgarligi APSni hisoblash bilan
  bogʻliq har qanday daʼvo – Ishtirokchining maxsus hisobiga bonuslarning tegishli miqdorini hisoblash
  bilan cheklanadi.

• 6.8

  Ishtirokchi tomonidan Qoidalar buzilgan taqdirda Operatorning harakatsizligi Operatorni
  keyinchalik uning manfaatlarini himoya qilish uchun tegishli harakatlarni amalga oshirish huquqidan
  mahrum qilmaydi, shuningdek, Operatorning bunday qoidabuzarlik hamda keyinchalik shu yoki
  shunga oʻxshash huquqbuzarliklar sodir etilishi bilan bogʻliq huquqlaridan voz kechishni anglatmaydi.

7. NIZOLARNI HAL ETISH

• 7.1

  Ishtirokchining hisoblangan APSga eʼtirozlari boʻlgan taqdirda Ishtirokchi APS hisoblanishi amalga
  oshirilmagan aksiya tranzaksiyasi, operatsiyalar boʻlib oʻtgan vaqtdan boshlab 5 (besh) kalendar kuni
  davomida tegishli arizani yozma shaklda Operator manziliga joʻnatishga haqlidir. Agar koʻrsatilgan
  muddat ichida Operator hisoblangan APSga eʼtirozlar olmasa, bonuslar qoldigʻi tasdiqlangan
  hisoblanadi va keyinchalik Ishtirokchining daʼvolari koʻrib chiqilmaydi va qanoatlantirilmaydi.

• 7.2

  Dasturda ishtirok etish bilan bogʻliq muammolarni hal qilish uchun Ishtirokchi Aloqa-markaziga
  murojaat qilish huquqiga ega.

• 7.3

  Operator va Ishtirokchi oʻrtasidagi «APS bonus» Bonus Dasturi Qoidalari boʻyicha barcha nizolar
  va kelishmovchiliklar muzokaralar yoʻli bilan hal qilinadi. Agar nizolar va kelishmovchiliklarni
  muzokaralar yoʻli bilan hal qilishning iloji boʻlmasa, nizo Operator joylashgan joydagi sud organlariga
  koʻrib chiqish uchun yuboriladi.

SHAXSIY MAʼLUMOTLARNI QAYTA
ISHLASHGA VA REKLAMA, AXBOROT
XABARLARINI OLISHGA ROZILIK

• 8.1

  Dastur Ishtirokchisi boʻlish orqali Ishtirokchi ushbu Dasturda ishtirok etish shartlariga rozilik bildiradi.

• 8.2

  Ishtirokchi quyidagi shaxsiy maʼlumotlarni oʻz ichiga olgan, shaxsiy maʼlumotlarini qayta ishlashga,
  shu jumladan, yigʻish, tizimlashtirish, toʻplash, saqlash, (aniqlashtirish, yangilash, oʻzgartirish),
  foydalanish, egasizlashtirish, blokirovka qilish, yoʻq qilishga rozilik bersa-da, lekin quyidagi shaxsiy
  maʼlumotlar bilan cheklanmaydi: Dastur Ishtirokchisini aniqlash, APS bonuslarini toʻplash va ulardan
  foydalanishni hisobga olish tartibini taʼminlash, buyurtmalarni yetkazib berish, reklama, axborot
  xabarlarini tarqatish (har qanday aloqa kanallari orqali, jumladan, pochta, SMS, elektron pochta,
  telefon, mobil ilova, boshqa aloqa vositalari orqali oʻtkazilayotgan aksiyalar va maxsus takliflar)
  maqsadida familiyasi, ismi, otasining ismi, tugʻilgan sanasi, manzili, aloqa telefon raqami, elektron
  pochta manzili.

• 8.3

  Ishtirokchi uning shaxsiy maʼlumotlari shaxsiy maʼlumotlarga ishlov berish maqsadlariga mos
  keladigan, shu jumladan, avtomatlashtirish vositalaridan foydalangan holda yoki bunday
  vositalardan foydalanmasdan qayta ishlanishiga rozi boʻladi. Shuningdek, rozilik shaxsiy maʼlumotlar
  toʻgʻrisidagi qonun hujjatlari talablariga toʻliq javob berishiga va Operator tomonidan qabul
  qilinganligini tasdiqlashga imkon berishiga oʻz roziligini bildiradi.

• 8.4

  Rozilik Ishtirokchi tomonidan Dasturning toʻliq amal qilish muddati uchun beriladi. Shu bilan
  birga, Ishtirokchi ushbu rozilikning bekor qilinishi uning Dasturdagi ishtirokini avtomatik ravishda
  toʻxtatishi, APS bonuslari bekor qilinishi va bu ulardan foydalana olmaslikni anglatishi, shuningdek,
  Ishtirokchi Tizimdan va Dasturdan qayta foydalanishga qaror qilgan taqdirda shaxsiy maʼlumotlarni
  qayta ishlashga qaytadan rozilik berishi kerakligi haqida xabardor qilinadi va takroran oʻz roziligini
  bildiradi.

• 8.5

  Ishtirokchi Operator uning Shaxsiy maʼlumotlarini uchinchi shaxslarga, Hamkorlarga, shu jumladan,
  transchegaraviy uzatish orqali oʻtkazish huquqiga ega ekanligidan xabardor (Tizim Ishtirokchilari
  tomonidan foydalanish uchun, Dasturda ishtirok etishni taʼminlash, Tovarlarni roʻyxatdan oʻtkazish va
  yetkazib berish, shuningdek, Ishtirokchiga xizmat koʻrsatganlik uchun ragʻbat olish, Ishtirokchining
  huquqlari va qonuniy manfaatlarini himoya qilish imkoniyatini taʼminlash, shartnomalarni bajarish va
  boshqa maqsadlarda) qilinadi.

9. BOSHQA SHARTLAR

• 9.1

  Dasturda ishtirok etish uchun toʻlov amalga oshirilmaganligi sababli Ishtirokchi va Operator
  oʻrtasidagi Dasturda ishtirok etish bilan bogʻliq munosabatlarga Oʻzbekiston Respublikasi
  qonunchiligida nazarda tutilgan isteʼmolchilar huquqlarini himoya qilish boʻyicha qoidalar
  qoʻllanilishi mumkin emas.

• 9.2

  Operator Qoidalarga oʻzgartirishlar kiritish (shu jumladan, yangi tahrirlarni belgilash), xususan,
  Qoidalarga Ilovalar kiritish huquqiga ega. Marketing aksiyalari eʼlon qilingan kundan va/yoki
  Operator tomonidan belgilangan sanadan boshlab kuchga kiradi. Koʻrsatilgan maʼlumotlar
  Operatorning rasmiy veb-saytlari va/yoki mobil ilovalarida joylashtirish (chop etish) orqali Bonus
  dasturi ishtirokchilari eʼtiboriga havola etiladi. Ishtirokchining eʼlon qilingan maʼlumotlar bilan
  tanishish vaqti Ishtirokchi uchun maʼlumot mavjud boʻlgan vaqt hisoblanadi.

• 9.3

  Ishtirokchi Operator tomonidan veb-saytda va/yoki mobil ilovada joylashtirilgan maʼlumotlar
  bilan mustaqil ravishda, shu jumladan, Qoidalarga kiritilgan oʻzgartirish va qoʻshimchalar toʻgʻrisida
  maʼlumot olish uchun Operatorga murojaat qilish orqali tanishishi shart.

• 9.4

  Qoidalarga ular kuchga kirgan paytdan boshlab har qanday oʻzgartirish va qoʻshimchalar Qoidalarga
  qoʻshilgan bonus Dasturining barcha Ishtirokchilariga, shu jumladan, Qoidalarga oʻzgartirishlar
  kuchga kirgunga qadar qoʻshilganlarga nisbatan tatbiq etiladi.

• 9.5

  Ishtirokchining bonus Dasturidan voz kechishining yoʻqligi Ishtirokchining Qoidalarning yangi
  tahririga rozi ekinligini anglatadi. Operator tomonidan tasdiqlangan Qoidalarga rozi boʻlmagan
  taqdirda Ishtirokchi Dasturda ishtirok etishni rad etishga haqli.

• 9.6

  Dasturda ishtirok etish, shu jumladan, APS hisoblash va undan foydalanish faqat Oʻzbekiston
  Respublikasi hududida va Dasturning amal qilish muddati ichidagina amalga oshirilishi mumkin.

• 9.7

  Operator oʻz xohishiga koʻra APS toʻplash chegaralari va muddatlarini, APS ni oʻtkazish va Mukofotni
  olish uchun maxsus hisobda saqlanishi kerak boʻlgan minimal APS miqdorini va boshqa shartlarni
  belgilaydi. Qayd etilgan maʼlumotlar Operatorning rasmiy veb-saytlari va/yoki mobil ilovalarida
  joylashtiriladi.

• 9.8

  Agar APS maxsus hisob raqamiga hisoblangan kundan boshlab 365 (uch yuz oltmish besh) kun
  ichida Ishtirokchi APS bonuslaridan foydalanmagan boʻlsa, ular avtomatik ravishda maxsus hisobdan
  kelgusida Ishtirokchi tomonidan undan foydalanish huquqisiz yechib olinadi.

• 9.9

  «APS bonus» Bonus Dasturiga tegishli barcha savollar boʻyicha Ishtirokchilar Operatorning Callmarkaziga
  quyidagi telefon orqali murojaat qilishlari mumkin: +998 (55) 500-11-10

• 9.10

  Agar u yoki bu sabablarga koʻra Qoidalarning bir yoki bir nechta tartiblari haqiqiy emas yoki yuridik
  kuchga ega emas, deb eʼtirof etilishi Qoidaning qolgan tartiblari haqiqiyligiga yoki qoʻllanilishiga
  taʼsir qilmaydi.

• 9.11

  «APS bonus» Bonus Dasturiga qoʻshilish orqali Ishtirokchi mazkur Qoidalarga toʻliq rozi boʻladi.

«CENTER FOR DIGITAL TECHNOLOGY
AND INNOVATION» MChJ TO’LOV TASHKILOTI
«A-PAY» ELEKTRON PULLAR
TIZIMI OPERATORI.

100090, O’zbekiston Respublikasi,
Toshkent shahri, Yakkasaroy tumani,
A. Qahhor ko’chasi,
9-tor ko’cha, 1a-uy

STIR: 306 344 019
h/r: 2020 8000 9050 6594 4001

АКБ «TENGE BANK»

FAA:
01176,
Bank STIRi: 207 297 973
IFUT:
58290
Tel: (+99855) 500 11 10