Сиз узоқ вақтдан бери маблағларингизни тежайман дейсизу, лекин уддасидан чиқа олмаяпсизми? Бунинг йўли осон. Молиянгизни тенг равишда тақсимлаб, унинг бир қисмини катта харажатларга ажратишингизга имкон берувчи оддий усул мавжуд.
Мақоламизда сиз янги усулда пул йиғишни бошлаш учун керак бўлган барча зарурий тавсияларга эга бўласиз!
Усулнинг моҳияти оддий:
Даромадингизни (иш ҳақи, стипендия, нафақа) олишингиз билан сиз уларни бешта конвертга тақсимлашингиз керак. Улар қоғоз конвертлар ёки электрон (банк ҳисоблари ёки алоҳида карталар) кўринишда бўлиши мумкин.
Сиз ҳар бир конвертни қайси эҳтиёжлар учун танлашни ўзингиз мустақил ҳал қиласиз. Биз тахминий вариантни таклиф қиламиз:
Биринчи конверт (60%)
Мажбурий тўловлар: ижара, коммунал хизматлар, кредит тўловлари, шунингдек озиқ-овқат харажатлари.
Иккинчи конверт (10%)
Келгусидаги катта харажатлар учун (йирик харид, саёҳат).
Учинчи конверт (10%)
Ўйин-кулги учун: кафе ва ресторанлар, фильм, концертлар.
Тўртинчи конверт (10%)
Таъмирлаш ёки тиббий хизматлар каби кўзда тутилмаган харажатлар учун.
Бешинчи конверт (10%)
Келажак учун (молиявий ёстиқ).
Сиз шу тарзда барча молиявий эҳтиёжларингизни тенг равишда қоплайсиз. Келажак учун тежайми ёки ҳаётдан завқланиб яшаш учун сарфлайми? деб бош қотиришингизга ҳожат йўқ. Бу ерда бари мукаммал ўйланган!
Усул бир нечта мажбурий қоидаларга эга:
Ҳеч қачон бир конвертдан бошқасининг харажатларини қоплаш учун пул сарфламанг (ҳаттоки сарфланган миқдорни кейинроқ ўрнига қўйишни режалаштираётган бўлсангиз ҳам). Айнан шу тақсимот усулнинг моҳиятини ташкил этади.
Агар бир конвертдаги пул тугаган бўлса, бошқа конвертлардан олиш мумкин эмас.
Сиз ҳар ойда бир маротаба конвертлардаги маблағ тақсимотини қайта кўриб чиқишингиз ва шунга мувофиқ харажатларингиз балансини мослашингиз мумкин. Аммо белгиланган кунга қадар сабрли бўлишингиз керак. Ҳаттоки, конвертларнинг бирида маблағ тугаётган бўлса ҳам.
Агар ой охирида конвертларда пул қолган бўлса, уни ўз хоҳишингизга кўра сарфлашингиз мумкин: рағбат сифатида сарфланг (ғалабани нишонлаш натижани мустаҳкамлайди), келажак учун олиб қўйинг ёки ўша конвертларнинг ўзида қолдиринг.
Сиз A-Pay иловаси ёрдамида даромадларингизни қулай усулда тежашингиз, шу билан бирга ҳафталик топшириқларни бажариб, даромадга эга бўлишингиз ҳам мумкин. Шунингдек, сизни 2% ва ундан ортиқ кешбеклар кутмоқда! Бунинг учун харидларингизни ҳамкорларимизнинг савдо нуқталарида APS-ҳамён билан амалга оширишингиз керак бўлади.